Jahan Me Ghul Hua Mehboobe Rabbul Aalamin Aaya

Kalaam of Hasrath

Jahan Me Ghul Hua Mehboobe Rabbul Aalamin Aaya
Shahinshahe Do Aalam Saahibe Taajo Nageen Aaya.

Buthon Ki Shauqat -O- Azmath Jahan Se Kyun Na Ho Batil
Udhaata Parchame Tauheed Khatme Mursaleen Aaya.

Hui Kafoor Zulmath Buth Parasti -O- Zalalath Ki
Ziya Paash -O- Ziya Gustar Habeeb -O- Mehjabeen Aaya.

Dua Ki Thi Khaleelullah Ne Jiske Liye Pehle
Khabar Di Jiski Isaa Ne Wo Shahinshaahe Deen Aaya.

Gunahgar -O- Khatakaar -O- Pareshani Hui Zaail
Tumhare Baqshwane Ko Shafi -Ul- Muznabeen Aaya.

Na Tha Maloom Koonze Me Samandar Bhi Samaata Hai
Muhammad Mustafa Ko Dekhkar Sabko Yaqeen Aaya.

Sadaye "Tarriqu" Meraj Me Jibreel Dete The
Malaaik Kehrahe The Sahibe Deene Mateen Aaya.

Bichaate Raaste Me Apni Aankhein Hoor -O- Ghilman Hain
Khade Hain Baa Adab Sab Ambiya Wo Shaahe Deen Aaya.

Pukara Hazrate Aadam Ne Jab Dekha Muhammad Ko
Mera Noore Nazar Taskeen Dahe Jaane Hazeen Aaya.

Na Jiska Misl Nikla Hazrate Aadam Se Isaa Tak
Wo Faqre Awwaleen Aaya Wo Izzo Aaqireen Aaya.

Khaleelullah Ne Dekha Jo Hazrath Ko To Farmaya
Mera Laqte Jigar Izzath Nishaan Mande Nasheen Aaya.

Dame Aaqir Nabi Ko Dekhkar Hasrath Ye Chillaun
Mera Mawaa Mera Maljaa Mere Dil Ka Makeen Aaya.