Nigaahe Lutf Ho Mujhpar Zara Imame Hussain

Kalaam of Hz Zaki R.a

Nigaahe Lutf Ho Mujhpar Zara Imame Hussain
Tumhare Dar Ka Hoon Adna Gada Imame Hussain.

Tumhari Deed Ko Aankhein Taras Gayi Ab To
Rakho Na Tishna -E- Deedar Ya Imame Hussain.

Ayaan Hai Aapke Chehre Se Shaane Murtazavi
Wohi Jalaal Wohi Dabdaba Imaame Hussain.

Har Ek Bigdi Karam Se Banaiye Meri
Ho Mujh Ghareeb Pe Lutfe Ataa Imaame Hussain

Phir Usko Khauf Bhala Kya Ho Dono Aalam Me
Ke Jiski Kashti Ka Ho Na Khuda Imaame Hussain.

Har Ek Haal Me Har Ek Rang Me Har Dam
Madad Pe Meri Rahen Ya Khuda Imaame Hussain

Zameen Pe Charq Pe Jinno Malak Me Insaan Ki
Tumhare Fazl Ka Shahrah Hai Ya Imaame Hussain

Rahe Khayaal Zaki Ka Bhi Rauze Hashr Tumhe
Tumhara Chaahne Waala Hai Ya Imaame Hussain