Karam Aaj Balae Baam Aagaya Hai

Kalaam of Khalid Mehmood Khalid Sahab

Karam Aaj Balae Baam Aagaya Hai
Zubaan Par Muhammad Ka Naam Aagaya Hai.
Duroodon Ki Barish Hai Kauno Makan Par
Ke Aaj Ambiya Ka Imaam Aagaya Hai.
Maza Jab Hai Sarkar Mehshar Me Kehden
Wo Dekho Hamara Ghulaam Aagaya Hai.
Mujhe Milgayi Hai Do Aalam Ki Shaahi
Mera Unke Mangton Me Naam Aagaya Hai.

Mere Paas Kuch Bhi Na Tha Roze Mehshar
Nabi Ka Wasila Hi Kaam Aagaya Hai.

Charaghan Hue Bazme Hasti Me Khalid
Nigahon Me Husne Tamaam Aagaya Hai.