Sarkar Ki Baatein - (2)

Aao Ke Karein Ahmed -E- Muqthar Ki Baatein
Sarkar Ki Baatein
Aur Saath Me Ho Unke Parivaar Ki Baatein
Sarkar Ki Baatein

Khaibar Me Jo Ek Haath Se Darwaza Ukhada
Sab Dekhe Nazara
Ham Kyun Na Karein Aise Madadgaar Ki Baatein
Sarkar Ki Baatein.

Tha Waqte Naza Lab Pe Faqat Naam Ali Ka
Uss Shere Jali Ka
Aao Karein Uss Meesam -E- Tammar Ki Baatein
Sarkar Ki Baatein.

Jab Minni Hi Farmagaye Sarkar To Sunlo
Nayi Baat Na Bunlo
Hasnain Ki Baatein Hi Hain Sarkar Ki Baatein
Sarkar Ki Baatein.

Karbal Me Ali Paak Ka Akkaas To Dekho
Abbas Ko Dekho
Aao Karein Zahra Ke Alamdaar Ki Baatein
Sarkar Ki Baatein.

Haq Baat Jo Sunni Ho To Nusqa Ye Bataun
Aao Mai Sunaun
Miqdad Ki Salman Ki Ammar Ki Baatein
Sarkar Ki Baatein.

Aaqa Ko Jise Odhke Miljaati Shifa Thi
Zahra Ki Rida Thi
Aao Karein Uss Chadare Ghamkhwaar Ki Baatein
Sarkar Ki Baatein.

Haidar Ke Liye Kardiya Ungli Ka Ishaara
Suraj Ko Ubhaara
Kaisi Hai Ye Do Bhaiyon Ke Pyaar Ki Baatein
Sarkar Ki Baatein.

Jab Zain Liya Phirta Tha Damaane Dareeda
Haidar Ne Khareeda
Ye Kyun Na Kare Apne Khareedar Ki Baatein
Sarkar Ki Baatein.