Lahad Me Aaqa Ki Deed Hogi

Lahad Me Aaqa Ki Deed Hogi

Lahad Me Aaqa Ki Deed Hogi
Mai Saj Ke Ghar Se Nikal Raha Hoon
Mere Azizon Ye Rona Kaisa
Makaan Hi To Badal Raha Hoon.

Wo Baad Me Ye Sawaal Pehle
Nakiron Aaqa Ka Zikr Chedo
Milan Ki Shab Hai Kafan Me Mere
Khushi Ke Maare Machal Raha Hoon.

Nabi Ke Dar Ka Faqeer Hoon Mai
Muhabbaton Ka Aseer Hoon Mai
Mai Besahara Nahi Hoon Logon
Nabi Ke Tukdon Pe Pal Raha Hoon.

Bohot Kathin Hai Hasan Ye Raatein
Sunate Rahiye Nabi Ki Naatein
Sukoon Milta Hai Darde Dil Ko
Mai Naat Sunkar Behel Raha Hoon.