Gham Sabhi Rahat -O- Taskeen Me Dhal Jaate Hain

Gham Sabhi Rahat -O- Taskeen Me Dhal Jaate Hain

Gham Sabhi Rahat -O- Taskeen Me Dhal Jaate Hain
Jab Karam Hota Hai Halaat Badal Jaate Hain.

Unki Rehmath Hai Khata Posh Gunahgaron Ki
Khote Sikke Sare Bazaar Bhi Chal Jaate Hain.

Ism -E- Ahmed Ka Wazifa Hai Har Ek Gham Ka Ilaaj
Laakh Khatre Hon Issi Naam Se Tal Jaate Hain.

Apni Aaghosh Me Leleta hy Jab Unka Karam
Zindagi Ke Sabhi Andaaz badal Jaate Hain.

Koi Dekhe To Zara Unki Duhaai De Kar
Ishq Sadiq Ho To Patthar Bhi Pighal Jaate Hain.

Rakh Hi Lete Hain Bharam Unke Karam Ke Sadqe
Jab Kisi Baat Pe Deewane Machal Jaate Hain.

Aapko Kaabaye Maqsood Hi Maanun Khalid
Aapke Dar Pe Sab Armaan Nikal Jaate Hain.

Kaif Afzaan Wohi Qatre Hain Jahan Me Khalid
Saghare Naat Se Qatre Jo Uchal Jaate Hain.