Subha Taiba Me Hui Bat'ta Hai Baada

Subha Taiba Me Hui Bat'ta Hai Baada

Subha Taiba Me Hui Bat'ta Hai Baada Noor Ka
Sadqa Lene Noor Ka Aaya Hai Taara Noor Ka.

Jo Gadha Dekho Liye Jaata Hai Tora Noor Ka
Noor Ki Sarkar Hai Kya Is Me Tora Noor Ka.

Mai Gada Tu Baadshah Bhar De Piyala Noor Ka
Noor Din Duna Tera De Daal Sadqa Noor Ka.

Sham'a Dil Mishqaat Tan Sina Zujaja Noor Ka
Teri Surat Ke Liye Aaya Hai Surah Noor Ka.

Teri Nasle Paak Me Hai Bacha Bacha Noor Ka
Tu Hai Aaine Noor Tera Sab Ghara Noor Ka.

Noor -O- Binte Noor -O- Zauje Noor -O- Umme Noor -O- Noor
Noore Mutlaq Ki Kaneez Allah Re Lahna Noor Ka.

Nariyon Ka Daur Tha Dil Jal Raha Tha Noor Ka
Tum Ko Dekha Ho Gaya Thanda Kaleja Noor Ka.

Taaj Waale Dekh Kar Tera Amama Noor Ka
Sar Jhukate Hain Ilaahi Bol Baala Noor Ka.

Chand Jhuk Jaata Jidhar Ungli Uthate Mehad Me
Kya Ye Chalta Tha Isharon Par Khilona Noor Ka.

Aye Raza Ye Ahmade Noori Ka Faize Noor hai
Ho Gayi Meri Ghazal Badh Kar Qasida Noor Ka.