Dil Me Ho Yaad Teri Goshaye Tanhayi Ho

Dil Me Ho Yaad Teri Goshaye Tanhayi Ho

Dil Me Ho Yaad Teri Goshaye Tanhayi Ho
Phir To Khalwath Me Ajab Anjuman Aarayi Ho.

Aastane Pe Tere Sar Ho Ajal Aayi Ho
Aur Aye Jaane Jahan Tu Bhi Tamashayi Ho.

Aaj Jo Aib Kisi Par Nahi Khulne Dete
Kab Wo Chahenge Meri Hashr Me Ruswayi Ho.

Kabhi Aisa Na Hua Unke Karam Ke Sadqe
Haath Ke Phaailne Se Pehle Na Bheek Aayi Ho.

Unki Qismat Pe Fida Taqte Shahi Ki Raahath
Khaake Taiba Pe Jise Chain Ki Neend Aayi Ho.

Band Jab Khwaab -E- Ajal Se Hon Hasan Ki Aankhein
Uski Nazron Me Tera Jalwaye Zebaayi Ho.