Aaj Jo Ayb Kisi Par Nahi Khulne Dete

Aaj Jo Ayb Kisi Par Nahi Khulne Dete

Aaj Jo Ayb Kisi Par Nahi Khulne Dete
Kab Wo Chaheinge Meri Hashr Me Ruswayi Ho
Kabhi Aisa Na Hua Unke Karam Ke Sadqe
Haath Ke Phailne Se Pehle Na Bheek Aayi Ho.

Be Talab Bheek Yahan Milti Hai Aate Jaate
Ye Wo Dar Hai Ke Jahan Dil Nahi Tode Jaate.

Ye Hai Aaqa Ki Inayath Wo Karam Karte Hain
Warna Ham Jaise Kahan Dar Pe Bulaaye Jaate.

Kaash Apna Bhi Madine Me Koi Ghar Hota
Dekhte Rauzaye Sarkaar Ko Aate Jaate.

Khafile Waalon Zara Thairo Mai Aata Hoon Abhi
Ek Aur Naat Sunaalun Unhe Jaate Jaate.

Ham Kahan Hote Kahan Hoti Ye Mehfil Altaf
Khaak -E- Karbal Pe Agar Sar Na Kataaye Jaate.