Kya Kahun Hafiz Shujauddin Ki Kya Shaan Hai

Kalaam of Kamil

Kya Kahun Hafiz Shujauddin Ki Kya Shaan Hai
Unki Saari Zindagi Quran Hi Quran Hai.

Kya Bataun Un Me Kis Kis Ki Aadayein Aagayi
Kuch To Hai Jo Unpe Har Ahle Nazar Qurban Hai.

Bas Wohi Samjheinge Mardaane Khuda Ka Martaba
Jinko Haasil Auliya Allah Ka Irfan Hai.

Itteba -E- Sunnate Khairul Bashar Kya Puchna
Ye Wohi To Barkatein Hain Ye Wohi Faizan Hai.

Daulate Daarain Hai Ek Daamane Ghousul Wara
Quadriyath Bhi Khuda Ka Mustaqil Ehsaan Hai.

Dekhlo Kashful Khulasa Ko Uthakar Dekhlo
Ek Koonze Me Samandar Kya Khuda Ki Shaan Hai.

Ishq Ki Manzil Me Koi Lut Ke Baithe To Sahi
Besaro Samaani Bhi Gham Ka Bada Samaan Hai.

Ghour Karna Hai to Kije Kamil Apne Aap Par
Apni Hasti Hi Ka Irfan Marifath Ki Jaan Hai.