Sunlo Khuda Ke Waaste Apne Gada Ki

Sunlo Khuda Ke Waaste Apne Gada Ki

Sunlo Khuda Ke Waaste Apne Gada Ki Arz
Yeh Arz Hai Huzoor Bade Benawa Ki Arz.

Unke Gada Ke Dar Pe Hain Yoon Baadshah Ki Arz
Jaise Ho Baadshah Ke Dar Par Gada Ki Arz.

Uljhan Se Door Noor Se Mamoor Kar Mujhe
Aye Zulfe Paak Hai Ye Aseere Balaa Ki Arz.

Aye Bekason Ke Haami -O- Yaawar Siwa Tere
Kisko Gharaz Hain Kaun Sune Mubtala Ki Arz.

Kyun Tool Doon Huzoor Ye Den Ye Ataa Karen
Khud Jaante Hain Aap Mere Muddua Ki Arz.

Aajiz Nawaziyon Pe Karam Hain Tula Huwa
Wo Dil Lagaake Sunte Hain Har Benawa Ki Arz.

Aye Kimiya -E- Dil Mai Tere Dar Ki Khaak Hoon
Khaake Dare Huzoor Se Hai Kimiya Ki Arz.

Qurban Unke Naam Pe Be Unke Naam Ke
Maqbool Ho Na Khaas -E- Janabe Khuda Ki Arz.

Dukh Mein Rahe Koi Ye Gawara Inhe Nahin
Maqbool Kyun Na Ho Dile Dard Aashna Ki Arz.

Daaman Bharenge Daulate Fazle Khuda Se Ham
Khali Kabhi Gayi Hain Hasan Mustafa Ki Arz.