Karo Jaan Nabi Ji Par Se Fida

Kalaam of Hazrath Makki Miyan Rh (Hunar)

Karo Jaan Nabi Ji Par Se Fida
Padho Salle Alaa Ko Jee
Hai Shor Mubarakbaadi Ka
Padho Salle Alaa Ko Jee.

Aadam Ki Peshani Me Jo
Noor Chamakta Tha
Jiske Baais Saare Malaik
Unko Kiye Sajde
Yehi Raaj Dulaare Ka Tha Jalwa
Padho Salle Alaa Ko Jee.

Jis Ja Rehta Wo Noore Muqaddas
Rang Naya Laata
Ghark Se Koi Aag Se Koi
Zibah Se Bachtata Tha
Wo Khud Rehmath Hi Rehmath Tha
Padho Salle Alaa Ko Jee.

Bibi Aamina Kehte Hain Mere
Khwab Me Aate The
Mujhko Basharath Deke Payambar
Kehte Ye The Mujhse
Rakho Naam Muhammad Tum Unka
Padho Salle Alaa Ko Jee.

Yak Mashriq Yak Maghrib
Main Yak Kaabe Ke Chat Par
Jhande Lage Hain Do Jag Upar
Aata Hai Koi Afsar
Kahin Burh Aoundhe Kahin Zalzala
Padho Salle Alaa Ko Jee.

Aapas Me Haivaan Tamaam
Dete The Khush Qabri
Bujhgayi Aag Jo Paar Sewan Ne
Rakhi Thi Pooje Ki
Aur Sajde Me Hai Baithullah
Padho Salle Alaa Ko Jee.

Farshe Zameen Par Aaya Hunar Hai
Ab Wohi Arsh Ka Noor
Jis Ke Sabab Hain Jinno Insaan
Aur Malak Masroor
Hua Makkah Me Raunaq Afzan
Padho Salle Alaa Ko Jee.