Sab Ambiya Ke Sayyad -O- Sarwar Huzoor

Teri Sana Ke Khuda Wande Laa Yazaal Hai Tu
Yehi Misaal Hai Teri Ke Be Misaal Hai Tu
Tera Kamaal Hi Duniya Ke Har Kamaal Me Hai
Ye Shaan Teri Ke Har Shaan Me Kamaal Hai Tu.

Kaunain Ka Masjood Hai Mabood Hai Tu
Har Shai Teri Shaahid Hai Ke Mash'hood Hai Tu
Har Ek Ke Lab Par Hai Teri Hamdo Sana
Har Soz Me Har Saaz Me Maujood Hai Tu.

Har Chand Khatakaar -O- Gunahaar Hoon Mai
Jaame Mae Tauheed Se Sarshaar Hoon Mai
Kuch Aur Nahi Meri Tamanna Ya Rab
Bas Ek Teri Rehmath Ka Talabgaar Hoon Mai

Tazeem Se Leta Hai Khuda Naame Muhammad
Kya Naam Hai Ye Salle Alaa Naame Muhammad
Allah Kare Uspe Haraam Aatishe Dozakh
Jis Shakhs Ke Ho Dil Pe Likha Naame Muhammad

Sarware Kayenath Ke Sadqe
Paikare Ba Hayaath Ke Sadqe
Wajhe Kauno Makaan Hai Zaat Unki
Zaate Waala Sifaat Ke Sadqe.
---------------

Sab Ambiya Ke Sayyad -O- Sarwar Huzoor Hain
Mere Rasool Mere Payambar Huzoor Hain.

Meri Najaat Unke Karam Par Hai Munhasir
Mehshar Me Ek Shafaye Mehshar Huzoor Hain.

Girah...
Aasi Hoon Baqshdene Ka Waada Kiya To Hai
Jannat Mujhe Mile Na Mile Aasra To Hai.

Sher...
Shamsuz Zuha Huzoor Hain Badud Duja Huzoor
Meri Nazar Me Noor Ka Paikar Huzoor Hain.

Girah...
Mujtaba Mustafa Muhammad Hain
Shaahe Har Do Sara Muhammad Hain
Kya Bataun Ke Kya Muhammad Hain
Husn Ki Ibteda Muhammad Hain
Ishq Ki Inteha Muhammad Hain.

Sher...
Maqdoome Kayenaath Hain Maulaye Kayenaath
Sach To Ye Hai Ke Isse Bhi Badhkar Huzoor Hain.

Mazhar Hujoome Gham Me Na Itna Malool Ho
Aye Bandaye Khuda Tere Yaawar Huzoor Hain.