Dikhado Aankh Ko Meri Madina Ya Rasoolallah

Kalaam of Arbaz Hasmani Quadri Sahab

Dikhado Aankh Ko Meri Madina Ya Rasoolallah
Tadapta Hai Deewana Ye Tumhara Ya Rasoolallah.

Tumhari Aal Ki Khidmat Mai Karte Karte Marjaun
Nahi Iske Siwa Koi Tamanna Ya Rasoolallah.

Na Choote Aal Ka Daman Rakho Aisi Nazar Mujhpar
Bhala Choote Ya Roothe Ye Zamana Ya Rasoolallah.

Meri Rag Rag Me Bas Jaaye Shahe Waala Teri Midhath
Ke Mehshar Tak Padhun Tera Qasida Ya Rasoolallah.

Muhabbat Me Mere Murshid Ki Aisa Haal Hojaye
Ke Aankhon Me Phire Din Raat Taiba Ya Rasoolallah.

Laga Hai Ghar Me Jab Se Aapki Nalain Ka Toghra
Bohot Hi Door Hai Ghar Se Andhera Ya Rasoolallah.

Kahe Milaad Jo Bid'at Nahi Unse Koi Rishta
Qayamath Tak Na Chodenge Manana Ya Rasoolallah.

Yehi Muddat Se Hai Hasrath Faqat Arbaaz -E- Aasi Ki
Ke Uske Dil Me Ho Tera Thikana Ya Rasoolallah.