Tu Jo Allah Ka Mehboob Hua Khoob Hua

Kalaam of Daagh Dehelvi

Tu Jo Allah Ka Mehboob Hua Khoob Hua
Ya Nabi Khoob Hua Khoob Hua Khoob Hua.

Shabe Meraj Ye Kehte The Farishte Baaham
Sukhane Taalib -O- Matloob Hua Khoob Hua.

Aye Shahinshahe Rusul Faqre Rusul Khatme Rusul
Khoob Se Khoob Khush Asloob Hua Khoob Hua.

Hashr Me Aasi -E- Ummat Ka Thikana Hi Na Tha
Baqshwana Tujhe Marghoob Hua Khoob Hua.

Husne Yousuf Me Tera Noor Tha Aye Noore Khuda
Charaaye Deeda -E- Yaqoob Hua Khoob Hua.

Tha Sabhi Saamna -E- Maarika -E- Karbobala
Sabr Me Saani -E- Ayyub Hua Khoob Hua.

Faqr Aadam Ko Na Hota To Farishta Hota
Bani Aadam Se Jo Mansoob Hua Khoob Hua.

Daagh Hai Roze Qayamath Meri Laaj Unke Haath
Mai Ghulamon Se Jo Mahjoob Hua Khoob Hua.