Meri Ulfath Madine Se Yoon Hi Nahi

Meri Ulfath Madine Se Yoon Hi Nahi

Meri Ulfath Madine Se Yoon Hi Nahi
Mere Aaqa Ka Rauza Madine Me Hai
Mai Madine Ki Janib Na Kaise Khichun
Mera Deen Aur Duniya Madine Me Hai
Arshe Aazam Se Jiski Badi Shaan Hai
Rauzae Mustafa Jiski Pehchan Hai
Jiska Ham Palla Koi Mohalla Nahi
Ek Aisa Mohalla Madine Me Hai.
Phir Mujhe Maut Ka Koi Khatra Nahi
Maut Kya Zindagi Ki Bhi Parwa Nahi
Kaash Sarkar Ek Baar Mujhse Kahen
Aa Tera Jeena Marna Madine Me Hai.

Apne Rauze Me Zinda Hai Mera Nabi
Rauza Jannat Hai Shak Tu Na Karna Kabhi
Murde Jannat Me Hote Nahi Doston
Aur Wo Jannat Ka Tukda Madine Me Hai.

Ek Hai Jannat Teri Ek Hai Hujra Tera
Mere Maula Bata Ab Mai Jaaun Kahan
Bhejdi Rab Ne Jannat Usi Hujre Me
Umme Ayesha Ka Hujra Madine Me Hai.
Sarware Deen Jahan Se Dua Hai Meri
Haan Yehi Chashme Tar Ilteja Hai Meri
Unki Fehreest Me Mera Bhi Naam Ho
Jinka Roz Aana Jaana Madine Me Hai.

Jab Nazar Sooe Taiba Rawana Hooi
Saath Dil Bhi Gaya Saath Jaan Bhi Gayi
Mai Muneer Ab Rahunga Yahan Kisliye
Mera Saara Asaasa Madine Me Hai.