Hussain Jaisa Shaheede Aazam

Hussain Jaisa Shaheede Aazam

Hussain Jaisa Shaheede Aazam
Jahan Me Koi Hua Nahi Hai
Churi Ke Neeche Gala Hai Lekin
Zaban Pe Koi Gila Nahi Hai.

Pukare Abbas Aye Sakina
Mai Paani Launga Khoob Peena
Kate Hai Baazu Chida Hai Seena
Abhi Mera Sar Kata Nahi Hai.

Adu The Jab Sar Pe Tegh Tole
Hussain Sajde Me Jaake Bole
Madine Waalon Gawah Rehna
Namaz Meri Qaza Nahi Hai.

Hussain Farmaye Saathiyon Se
Adaa Karo Pur Jalaal Sajde
Hai Tegh Khanjar Tabar Ka Saaya
Kahan Hamara Khuda Nahi Hai.

Ghareeb Ummat Ki Bebasi Par
Hussain Ka Dil Jhuka Hai Lekin
Yazeed Jaise Shaqi Ke Aage
Hussain Ka Sar Jhuka Nahi Hai.

Yazeed Duniya Me Laakh Aaye
Shimar Ne Bhi Aur Zulm Dhaaye
Charaghe Tauheed Phir Bhi Sadiq
Jala Hai Lekin Bujha Nahi Hai.