Har Waqt Tasawwur Me Madine Ki Gali Hai

Har Waqt Tasawwur Me Madine Ki Gali Hai

Har Waqt Tasawwur Me Madine Ki Gali Hai
Ab Darbadari Hai Na Ghareeb -Ul- Watani Hai.

Iss Shehr Me Bikjaate Hain Khud Aake Kharidaar
Ye Misr Ka Bazaar Nahi Shehre Nabi Hai.

Iss Arze Muqaddas Pe Zara Dekh Ke Chalna
Aye Khafile Waalon Ye Madine Ki Gali Hai.

Wo Shamme Haram Jisse Munawwar Hai Madina
Kaabe Ki Qasam Raunaqe Kaaba Bhi Wohi Hai.

Nazron Ko Jhukaye Hue Khamosh Guzarjaa
Be Taab Nigahi Bhi Yahan Be Adabi Hai.

Haq Iska Adaa Sirf Jabeenon Se Na Hoga
Aye Sajda Guzaaron Ye Dare Mustafavi Hai.

Iqbal Mai Kis Mu Se Karun Madhe Muhammad
Mu Mera Bohot Chota Hai Aur Baat Badi Hai