Jaari Zubaan Pe Naat Jo Khairul Wara Ki Hai

Kalaam of Khaleeq

Jaari Zubaan Pe Naat Jo Khairul Wara Ki Hai
Aati Sada Falak Se Mujhe Marhaba Ki Hai.

Kab Aapke Mareez Ko Khwahish Shifa Ki Hai
Hajath Dawa Ki Hai Na Zarurath Dua Ki Hai.

Aankhon Me Iss Tarah Hai Tasawwur Jama Hua
Har Ashk Me Bhi Shakl Mere Dil Ruba Ki Hai.

Baad Az Khuda Buzurg Tu Hi Khissa Muqtasar
Tareef Muqtasar Ye Shahe Ambiya Ki Hai.

Maho Nazarah Apna Har Ek Baal Baal Hai
Din Apne Phir Gaye Hain Inayath Khuda Ki Hai.

Maare Jilayen Dil Me Jo Aaye Kare Khaleeq
Raazi Hai Ham Usi Me Jo Marzi Khuda Ki Hai.