Haqiqat Me Wo Lutfe Zindagi Paaya Nahi Karte

Haqiqat Me Wo Lutfe Zindagi Paaya Nahi Karte

Haqiqat Me Wo Lutfe Zindagi Paaya Nahi Karte
Jo Yaade Mustafa Se Dil Ko Garmaya Nahi Karte.

Zuban Par Shikwa -E- Ranjo Alam Laaya Nahi Karte
Nabi Ke Naam Lewa Gham Se Ghabraya Nahi Karte.

Ye Darbare Muhammad Hai Yahan Milta Hai Be Mange
Are Nadaan Yahan Daman Ko Phailaya Nahi Karte.

Ye Hai Darbar Aaqa Ka Yahan Apnon Ka Kya Kehna
Yahan Se Haath Khaali Ghair Bhi Jaaya Nahi Karte.

Are O Naa Samajh Qurban Hoja Unke Rauze Par
Ye Lamhe Zindagi Me Baar Baar Aaya Nahi Karte.

Muhammad Mustafa Ki Shane Rehmath To Zara Dekho
Sitham Sehte To Hain Lekin Sitham Dhaaya Nahi Karte.

Muhammad Mustafa Ke Baagh Ke Sab Phool Aise Hain
Ye Be Paani Ke Tar Rehte Hain Murjhaya Nahi Karte.

Nadamat Saath Lekar Hashr Me Aye Aasiyon Jaana
Suna Hai Sharm Waalon Ko Wo Sharmaya Nahi Karte.

Agar Ho Jazba -E- Sadiq To Aksar Hamne Dekha Hai
Wo Khud Tashreef Le Aate Hain Bulwaya Nahi Karte.

Jo Inke Damane Rehmath Se Wabasta Hain Aye Hamid
Kisi Ke Saamne Wo Haath Phailaya Nahi Karte.