Tere Dayaar Ke Ehsaan Bhoolte Hi Nahin

Tere Dayaar Ke Ehsaan Bhoolte Hi Nahin

Tere Dayaar Ke Ehsaan Bhoolte Hi Nahin
Inayathon Ke Wo Samaan Bhoolte Hi Nahin.

Wo Jaliyan Wo Dareeche Wo Mimbar -O Mehrab
Wo Dar Wo Rauza Wo Darbaan Bhoolte Hi Nahin.

Jabeen Pe Noor Nazar Me Adab Dilon Me Gudaaz
Hareem -E- Naaz Ke Mehmaan Bhoolte Hi Nahin.

Ba Waqte Izne Huzoori Wo Aansuon Ki Tadap
Wo Aarzuen Wo Armaan Bhoolte Hi Nahin.

Malaika Bhi Ye Jannat Me Jaake Kehte Hain
Ke Uss Nagar Ke Khayabaan Bhoolte Hi Nahin.

Nazar Badalgayi Manzar Badalgaye Saare
Teri Nigaah Ke Faizaan Bhoolte Hi Nahin.

Jo Parda Parda Farozaan Hue Tere Dar Par
Rumooze Haq Ke Wo Irfaan Bhoolte Hi Nahin.