Taajdare Madina Ke Jalwe

Taajdare Madina Ke Jalwe

Taajdare Madina Ke Jalwe
Jinke Dil Me Samaye Hue Hain
Door Rehkar Wo Qurb Aashna Hain
Dil Madina Banaye Hue Hain.

Jinko Unki Tawajju Ne Paala
Unki Rehmath Ne Jinko Nawaza
Un Gadaon Ka Kya Poochte Ho
Wo Zamane Pe Chaaye Hue Hain.

Mere Aaqa Ki Jin Par Nazar Hai
Dono Aalam Ki Unko Qabar Hai
Jinka Maqsood Unka Hi Dar Hai
Saare Asraa Wo Paaye Hue Hain.

Aale At'har Ka Sadqa Ataa Ho.
Muflisi Ka Hamara Bhala Ho
Aye Saqi Aapke Dar Pe Ham Bhi
Damane Dil Bichaaye Hue Hain.

Tees Paaron Me Jo Kuch Likha Hai
Sar Ba Sar Seerat -E- Mustafa Hai
Unki Seerat Me Jo Dhalgaya Hai
Uspe Rehmath Ke Saaye Hue Hain.

Meri Auqaat Kuch Bhi Nahi Hai
Khud Meri Zaat Kuch Bhi Nahi Hai
Mere Sarkar Ka Ye Karam Hai
Baat Meri Banaaye Hue Hain.

Aarzu -E- Karam Dil Me Le Kar
Khali Dil Ke Saqi Aastan Par
Ambiya Auliya Asfiya Sab
Apne Kaase Badhaaye Hue Hain.