Chain Tumse Qaraar Tumse Hai

Kalaam of Hasrath

Chain Tumse Qaraar Tumse Hai
Zindagi Ki Bahaar Tumse Hai.

Dil Agar Be Qarar Tumse Hai
Chashm Bhi Ashkbaar Tumse Hai.

Kya Karun Leke Saari Duniya Ko
Mere Dil Ka Qaraar Tumse Hai.

Be Wasilon Ke Tum Wasila Ho
Fazle Parwardigar Tumse Hai.

Ishq Be Iqtiyaar Hota Hai
Ishq Be Iqtiyaar Tumse Hai.

Husne Mehboob Qaaim -O- Daaim
Ishq Bhi Paayedaar Tumse Hai.

Ya Habeebi Muhammade Arabi
Mera Baagho Bahaar Tumse Hai.

Laaj Rakhna Ke Mai Tumhara Hoon
Meri Jeet Aur Haar Tumse Hai.

Ya Muhammad Umeed Waare Karam
Hasrate Khaaksaar Tumse Hai.