Ham Sooe Hashr Chalenge Shahe Abraar Ke Saath

Ham Sooe Hashr Chalenge Shahe Abraar Ke Saath

Ham Sooe Hashr Chalenge Shahe Abraar Ke Saath
Qafila Hoga Rawaan Qafila Salaar Ke Saath.

Mai Bhi Wabasta Hoon Sarkar Ke Darbar Ke Saath
Khaak Zarra Bhi Hai Ke Aalam -E- Anwaar Ke Saath.

Rehgaye Manzile Sidra Pe Pohonch Kar Jibreel
Chal Nahi Sakta Farishta Teri Raftaar Ke Saath.

Ye Na Hota To Tajalli Se Na Bach Sakte Kaleem
Noor Hazrath Ka Bhi Tha Noor Anwaar Ke Saath.

Jab Khulein Hashr Me Gesu -E- Shafa'at Unke
Ham Se Aasi Bhi Nazar Aayenge Sarkar Ke Saath.

Pul Se Mujhsa Bhi Gunahgaar Guzarjayega
Hogi Sarkar Ki Rehmath Jo Gunahgaar Ke Saath.

Unke Jalwon Ne Kiye Kauno Makaan Ko Raushan
Husn Yousuf Ka Raha Misr Ke Bazaar Ke Saath.
Mil Hi Jayega Koi Unke Karam Ka Tukda
Hai Ta'alluq Jo Sagaan -E- Dare Sarkar Ke Saath.

Ye To Taiba Ki Muhabbat Ka Asar Hai Warna
Kaun Rota Hai Lipat Kar Daro Deewar Ke Saath.

Sab Atayein Hai Khuda Ki Mere Maula Ke Tufail
Warna Ye Lutfo Karam Mujhse Gunahgaar Ke Saath.
Ham Bhi Mazhar Se Suneinge Koi Naate Rangeen
Gar Mulaqat Hui Shaire Darbar Ke Saath.