Kya Bataun Ke Kya Madina Hai (Tazmeen)

Maskan -E- Mustafa Madina Hai
Rehmaton Se Bhara Madina Hai
Aql Se Maawra Madina Hai
Kya Bataun Ke Kya Madina Hai
Bas Mera Muddua Madina Hai.

Pee Ke Jaame Wafa Qarine Se
Aah Nikli Hai Mere Seene Se
Kyun Mujhe Rokte Ho Jeene Se
Uthke Jaaun Kahan Madine Se
Kya Koi Doosra Madina Hai.

Uske Qadmon Ki Dhoor To Dekho
Uska Kaifo Suroor To Dekho
Dekhna Ka Shaoor To Dekho
Uski Aankhon Ka Noor To Dekho
Jiska Dekha Hua Madina Hai.

Saamne Ho To Geet Gaate Hain
Peet Peeche Buraayi Karte Hain
Bewafayi Ka Khel Rachte Hain
Duniya Waale To Dard Dete Hain
Zakhme Dil Ki Dawa Madina Hai.

Ghair Ke Dar Pe Kyun Jhukayein Jabeen
Ho Khazana Ho Ya Ke Khulde Bareen
Aisa Manzar Bhala Hai Aur Kahin
Dil Me Ab Koi Aarzu Hi Nahin
Ya Muhammad Hai Ya Madina Hai.

Mere Tafseer Hain Wohi Dilbar
Mujhse Kamtar Ko Kardiya Bartar
Kya Ajab Isme Hai Kahun Mai Agar
Dil Fida Hai Madine Waale Par
Dil Munawwar Mera Madina Hai.