Maalik Kiya Khuda Ne Use Do Jahan Ka

Kalaam of Hz Khwaja Mahbooballah (Khulq) R.a

Maalik Kiya Khuda Ne Use Do Jahan Ka
Aisa Koi Rasool Bhi Hai Izzo Shaan Ka.

Masnad Lagi Hui Hai Mere Baadshah Ki
Uss Jaa Jahan Na Daql Ho Wehm -O- Gumaan Ka.

Tareef Aapki Na Karen Ham To Kya Karen
Ye To Ghiza Hai Dil Ki Maza Hai Zubaan Ka.

Kehdo Liwaye Hamd Ke Neeche Muqeem Hain
Pooche Koi Pata Jo Hamare Makaan Ka.

Apni Zameen -E- Dil Me Wo Raunaq Faza Hain Khulq
Jinke Qadam Se Faqr Badha Aasman Ka.