Mere Aaqa Ke Jo Manzoore Nazar Hote Hain

Mere Aaqa Ke Jo Manzoore Nazar Hote Hain

Mere Aaqa Ke Jo Manzoore Nazar Hote Hain
Unke Qadmon Me Shahinshahon Ke Sar Hote Hain.

Jis Jagah Hota Hai Sarkar Ka Zikre Anwar
Ye Yaqeen Rakho Ke Sarkar Udhar Hote Hain.

Ghar Me Rehte Hue Tu Jaan Unhein Khaana Badosh
Door Taiba Se Jin Ushshaaq Ke Ghar Hote Hain.

Rab Ne Haidar Ko Chuna Hazrate Zahra Ke Liye
Aisi Dulhan Ho To Phir Aise Hi Par Hote Hain.

Nana Aisa Ho To Hote Hain Nawase Aise
Aisi Madaar Ho To Phir Aise Pisar Hote Hain.

Jin Me Iqlaas -O- Muhabbat Nazar Aaye Arsal
Aise Ash'aar Hi Midhat Ka Samar Hote Hain.