Rukh Pe Rehmath Ka Jhoomar Sajaye

Ya Rab Ba Tufaile Rasoolus Saqalain
Ya Rab Ba Tufaile Fatahe Badr -O- Hunain
Isiyaane Mara Do Hissa Kun Dar Arasaat
Neem -E- Ba Hasan Ba Baqsh Neem -E- Ba Hussain.

Jo Teri Rehmath Ka Munkir Ho Wo Mera Dil Nahi
Maangna Jisko Na Aaye Wo Koi Saail Nahi
Aye Karam Parwar Karam Mere Gunahon Par Na Jaa
Rehem Ke Qabil Hoon Mai Insaaf Ke Qaabil Nahi.

Zubaan Par Jab Muhammad Mustafa Ka Naam Aata Hai
Badi Taskeen Hoti Hai Bada Aaram Aata Hai
Muhammad Mustafa Ka Naam Bhi Kya Isme Aazam Hai
Jahan Koi Na Kaam Aaye Wahan Ye Kaam Aata Hai.

Be Misl Hai Kya Shaukat -E- Ranaayi Hai
Khaliq Bhi Fida Khalq Bhi Shaidaayi Hai
Khaliq Ne Muhabbath Me Niraale Rukh Se
Sarkar Ke Chehre Ki Qasam Khaayi Hai.

Allah Ki Ham Jalwagari Dekhrahe Hain
Ya Husn -O- Jamaale Madani Dekhrahe Hain
Jis Waqt Padho Salle Alaa Aale Muhammad
Samjho Ke Rasoole Arabi Dekhrahe Hain.

Hargiz Na Ghuroor Aur Ghazab Se Baitho
Darbare Muhammad Me Adab Se Baitho.

Rukh Pe Rehmath Ka Jhoomar Sajaye
Kamli Waale Ki Mehfil Saji Hai
Mujhko Mehsoos Ye Horaha Hai
Unki Mehfil Me Jalwagari Hai.

Rehmath Ka Jhoomar Sajaye...

Girah...
Karam Bankar Wafa Bankar Saqa Bankar Ataa Bankar
Khuda Ka Noor Utra Aasman Se Mustafa Bankar.

Naat Husne Shahe Do Sara Hai
Naat Hi Zikre Rabbe Jali Hai.
Naat Likhna Meri Zindagi Hai
Naat Padhna Meri Bandagi Hai.

Aashiqon Tum Agar Chahte Ho
Ho Ziyarath Dare Mustafa Ki
Dil Ki Janib Nigahein Jhukalo
Saamne Mustafa Ki Gali Hai.

Ho Ziyarath Mujhe Dare Mustafa Ki...

Girah...
Maza Tab Hai Ke Ab Yunhi Basar Ho
Haram Me Shaam Taiba Me Sahar Ho
Ibadath Ho To Itni Motabar Ho
Mera Sar Ho Nabi Ka Sange Dar Ho
Dare Aaqa Pe Aise Jaan Nikle
Zubaan Par Naam Gumbad Par Nazar Ho
Meri Aahon Me Ya Rab Ye Asar Ho
Yahan Tadpun Madine Me Khabar Ho.

Judaaiyan De Dukhde Mai Kisnu Sunawan
Mera Dil Wi Chaanda Madine Nu Jawan.

Zahe Naseeb Madina Naseeb Hojaye
Ye Be Naseeb Bhi Sahib Naseeb Hojaye
Na Naam Loon Kabhi Waaiz Haram Ko Jaane Ka
Tawaafe Kooe Muhammad Naseeb Hojaye.

Ilaahi Aarzue Deedaye Purnam Nikal Jaaye
Nikal Jaaye Ma Aale Koshishe Paiham Nikal Jaaye
Bharosa Kisko Hai Kya Jaane Dam Kis Dam Nikal Jaaye
Ilaahe Mere Dil Se Fikre Pesho Kham Nikal Jaaye
Muhammad Ya Muhammad Kehte Kehte Dam Nikal Jaaye.

Sher....
Waasta Sayyade Karbala Ka
Waasta Fatima Ki Rida Ka
Meri Jholi Bhi Sarkar Bhardo
Aapne Sab Ki Jholi Bhari Hai.

Sayyade Karbala Ka Waasta...

Girah...
Kamli Waaleya Kamli Te Kaj Parde
Kaali Kamli Di Chaan Da Waastayi
Jitthe Tere Nawase Da Khoon Bahiya
Oss Jagah Oss Thaan Da Waastayi
Kamli Waaleya Kamli Ti Laj Rakhley
Tenu Tere Inaan Da Waastayi.

Karde Karam Iss Kheti Nu Hari Karde
Mere Lutte Hue Chain Da Waastayi
Tere Durre Dandaan Da Waastayi
Tere Abru Qausain Da Waastayi
Teri Chashme Mazaagh Da Waastayi
Tere Labe Laalain Da Waastayi
Gunahgaar Te Nazre Karam Karde
Tenu Tere Hussain Da Waastayi.

Har Ek Ko Milraha Hai Tere Baitul Maal Ka Sadqa
Nabuwwat Ki Zakaate Sabro Isteqlaal Ka Sadqa
Tasadduq Murtaza Ka Murtaza Ki Aal Ka Sadqa
Ataa Ho Kuch Mujhe Bhi Fatima Ke Laal Ka Sadqa.

Dar Par Bula Faqeer Ko Hazrath Ka Waasta
Tujhko Tere Karam Teri Rehmath Ka Waasta
Maula Ali Ke Sadqe Me Mushkil Ho Hal Meri
Khairun Nisa Ki Izzath -O- Azmath Ka Waasta
Meri Bigdi Bhi Bana Sadqa Hasan Naame Hussain
Kar Karam Khatoone Jannat Fatima Ka Waasta.
Shaamate Aamal Se Jo Hochuka Hoon Roosiya
Dekh Tu Apne Karam Ko Mere Aibon Par Na Jaa
Zaahidon Ko Naaz Hai Apne Mataaye Zuhd Par
Mujhko Kaafi Hai Faqat Tere Karam Ka Aasra
Ya Shafiul Muznibeen Aye Charasaaze Do Jahan
Mai Khata Ki Inteha Hoon Tu Ataa Ki Intehaa

Accha Nahi Khota Hoon Mai Khote Ko Nibhale
Gar Tum Na Sambhalo To Mujhe Kaun Sambhale.

Sher...
Wo Sama Kaisa Zeeshan Hoga
Jab Khuda Mustafa Se Kahega
Ab To Sajde Se Sar Ko Uthalo
Aapki Saari Ummat Bari Hai.

Kaisa Zeeshan Hoga Wo Sama...

Girah...
Gaye To Aur Bhi Lekin Na Taa Arshe Bareen Pohonche
Hareeme Naaz Me Bas Rahmatallill Aalameen Pohonche
Shabe Meraj Jab Wo Khaas Parde Ke Qareen Pohonche
Sada Parde Se Aati Thi Ke Aao Tumse Kya Parda.

Mehshar Me Wohi Ins Khareedenge Muhammad
Jis Ins Ka Koi Bhi Kharidaar Na Hoga.

Sher...
Mujhko Fikre Shafa'at Ho Kyun Kar
Wo Kareemon Ka Saaya Hai Sar Par
Ek Taraf Rehmate Mustafa Hai
Ek Taraf Lutfe Maula Ali Hai.

Husne Meraj Ki Raat Dekho
Noor Waale Ki Baraat Dekho
Har Taraf Chandni Chandni Hai
Har Taraf Raushni Raushni Hai.

Jab Na Aaye The Wo Shaahe Shaahan
Sooni Sooni Thi Ye Bazme Imkaan
Unke Aane Se Raunaq Hui Hai
Unke Aane Se Bigdi Bani Hai.

Dil Ke Gulshan Ki Mehki Fizayen
Wajd Me Hai Niyazi Hawayen
Unke Husne Tasawwur Se Mere
Dil Ki Aabad Barah Dari Hai.