Aayi Naseem -E- Kooe Muhammad

Kalaam of Bedam Warsi

Saba Beshak Aati Udhar Hi Se Tu Hai
Ke Tujhme Madine Ke Phoolon Ki Bu Hai.

Muattar Muattar Khiramaan Khiramaan
Naseem Aarahi Hai Ke Wo Aarahe Hain.

Aayi Naseem -E- Kooe Muhammad
Sallallahu Alaihi Wasallam
Khichne Laga Dil Sooe Muhammad
Sallallahu Alaihi Wasallam.

Gira...
As'Subhu Bada Min Tal'atihi
Wal Laylu Dajaa Miw Wafratihi.

Kanzul Karami Maulan Ni'ami
Haazil Umami Li Shariyatihi.

Azkan Nasabi A'lal Hasabi
Kullul Arabi Fee Qidmatihi.

Sa'atash Shajaru Nataqal Hajaru
Shaqqal Qamaru Bi Isharatihi.

Jibreelu Ataa Lailata Asraa
War Rabbu Da'a Fi Hazratihi.

Fa Muhammaduna Huwa Sayyaduna
Fal Izzu Lanaa Li Ijabatihi.

Gira...
Sare Lamakaan Se Talab Hui
Sooe Muntaha Wo Chale Nabi
Koi Had Hai Unke Urooj Ki
Balaghal Ulaa Be Kamalihi.

Wo Khuda Ke Dost Mere Nabi
Hai Bahaar Unke Zahoor Ki.
Ye Unhi Ke Dam Ki Hai Raushni
Kashafad Duja Bi Jamalihi.

Koi Shak Bhi Isme Karega Kya
Ye Hai Baat Haq Ki Kitaab Ki
Ye Mere Nabi Ki Hai Zindagi
Hasunath Jami'u Khisalihi.

Hai Dua Ye Dil Se Hakeem Ki
Mera Sar Ho Aur Dare Nabi
Labe Shauq Pe Ho Sukhan Yehi
Sallu Alaihi Wa Aalihi.

Sach Mai Kehta Hoon Qasam Khaake Khuda Ke Ghar Ki
Hajj Adaa Hote Hi Phir Kaabe Me Lagta Nahi Jee
Kaisi Kardeti Hai Bechain Madine Ki Khushi
Sar Ke Bal Chalta Hoon Aur Mu Se Nikalta Hai Yehi.

Gira...
Jab Masnade Faqr Pe Baithgaye
Shaahi Ki Tamanna Kaun Kare.

Jab Maalike Kaunain Apne Hain
Kaunain Ki Parwah Kaun Kare.

Jab Dashte Arab Rehne Ko Mile
Phir Jannat Maanga Kaun Kare.

Jab Husne Muhammad Saamne Ho
Hooron Ki Tamanna Kaun Kare.

Tum Aao Na Aao Waade Par
Har Haal Me Raazi Hai Amjad

Tum Jaan Aur Dil Ke Maalik Ho
Maalik Se Taqaza Kaun Kare.

Parde Ke Qareeb Nabi Jo Ruke
Haq Ne Kaha Pyaar Ke Lehje Me

Aye Mere Habeeb Aaja Aaja
Mehboob Se Parda Kaun Kare.

Gira...
Ye Gham Hai Ke Uss Rashke Qamar Ko Nahi Dekha
Laale Kiye Kya Kya Na Kiya Khoob Sa Roya.
Itne Me Musawwir Ko Zara Rehm Jo Aaya
Naqshe Kayi Tasweeron Ke Wo Saamne Laaya
Bola Ke Ye Yousuf Hain Ye Isaa Hain Ye Moosa
Maine Kaha Inme Se Kisi Par Nahi Shaida
Phir Saamne Laaya Wo Shabihe Shahe Waala
Uss Waqt Zabaan Se Meri Be Saaqta Nikla...

Sallallahu Alaihi Wasallam
Sallallahu Alaihi Wasallam.

Gira...
Wa Shams Ruqe Zeba Hai Tera
Tu Noor Fishane Aalam Hai
Wal Layl Hai Teri Zulfe Dotaa
Tu Rahaate Jaane Aalam Hai
Qaamat Ka Nahi Saaya Hai Tere
Ye Aql Hi Kya Jo Tujhe Samjhe
Tu Laakh Bashar Apne Ko Kahe
Kuch Aur Gumaane Aalam Hai.

Gira...
Rasoolallah Se Nisbath Pe Qismat Naaz Karti Hai
Dare Aqdas Ke Sajdon Par Ibadath Naaz Karti Hai
Mere Isiyaan Ne Daman Mera Baandha Uske Daman Se
Ke Jiski Zaate Waala Par Shafa'at Naaz Karti Hai
Zabaane Haal Tha Shahid Tha Boya Taat Ka Bistar
Mere Sarkar Ki Shaahi Pe Ghurbat Naaz Karti Hai
Wo Dekho Jam'a Hai Sab Ambiya Maidane Mehshar Me
Inhi Me Wo Bhi Hai Jispar Risalath Naaz Karti Hai.

Sher...
Kaaba Hamara Kooe Muhammad
Sallallahu Alaihi Wasallam
Mushafe Imaan Rooe Muhammad
Sallallahu Alaihi Wasallam.

Leke Muraade Dil Aayenge
Marjayenge Mit Jaayenge
Pohonchein To Ham Tum kooe Muhammad
Sallallahu Alaihi Wasallam.

Tooba Ki Janib Takne Waalon
Aankhen Kholo Hosh Sambhalo
Dekho Qade Dil Jooe Muhammad
Sallallahu Alaihi Wasallam.

Naam Isi Ka Baabe Karam Hai
Dekho Yehi Mehrabe Haram Hai
Dekho Khame Abrooe Muhammad
Sallallahu Alaihi Wasallam.

Ham Sab Ka Rukh Sooe Kaaba
Sooe Muhammad Rooe Kaaba
Kaabe Ka Kaaba Kooe Muhammad
Sallallahu Alaihi Wasallam.

Bheeni Bheeni Khushbu Lehki
Bedam Dil Ki Duniya Mehki
Khulgaye Jab Gesu -E- Muhammad
Sallallahu Alaihi Wasallam.