Na Karo Juda Khudara Mujhe Apne Aastan Se

Kalaam of Bedam Warsi Sahab

Na Karo Juda Khudara Mujhe Apne Aastan Se
Na Milega Phir Sahara Jo Utha Diya Yahan Se.

Yehi Meri Bandagi Hai Yehi Meri Sajda Rezi
Ke Zara Lipat Ke Ro Loon Tere Sange Aastan Se.

Tu Hazaar Baar Thukra Mera Sar Yahin Jhukega
Mere Dil Me Hai Muhabbat Tere Sange Aastan Se.

Mujhe Khaak Me Milakar Meri Khaak Bhi Udaa De
Tere Naam Par Mita Hoon Mujhe Kya Gharaz Nishan Se

Meri Bekasi Ka Aalam Koi Unke Dil Se Pooche
Meri Tarha Lutgaya Ho Jo Bichad Ke Karwan Se.

Na Ho Paas Unka Parda Na Ye Parda Daariyan Hon
Meri Dukh Bhari Kahani Jo Sune Meri Zubaan Se.

Iss Khaake Aastan Me Ek Din Fana Bhi Hoga
Ke Bana Hua Hai Bedam Isi Khaake Aastan Se.