Balaghal Ulaa Be Kamalihi

Suhaani Raat Thi Aur Pur Sukoon Zamana Tha
Asr Me Dooba Hua Wo Jazbe Aashiqana Tha
Unhe To Arsh Par Mehboob Ko Bulana Tha
Talab Thi Deed Ki Meraj Ka Bahana Tha.

Sare Laamakan Se Talab Hui
Sooe Muntaha Wo Chale Nabi
Koi Had Hai Unke Urooj Ki
Balaghal Ulaa Be Kamalihi.

Girah...
Ye Kamaale Husn Ka Maujza
Ye Firaaq Haq Bhi Na Sehsaka

Shabe Meraj Liya Arshe Bareen Par Bulwaye
Sadmaye Hijr Khuda Se Bhi Gawara Na Hua.

Khairul Wara Sadrud Duqa
Najmul Huda Noorul Ulaa
Shamsuz Zuha Badrud Duja
Yaani Muhammad Mustafa.

Gaye Ghar Se Chadhke Burraq Par
Shabe Wasl Rukh Se Hui Sahar
Ye Safar Tha Khoob Ta Khoob Tar
Yehi Tha Har Ek Ki Zabaan Par

Yehi Ibteda Yehi Inteha
Ye Farogh Jalwaye Haq Numa
Ke Jahan Saara Chamak Utha
Kashafad Duja Be Jamalihi.

Rukhe Mustafa Ki Ye Raushni
Ye Tajalliyon Ki Hama Hami
Ke Har Ek Cheez Chamak Uthi
Kashafad Duja Be Jamalihi.

Girah...
Na Falak Na Chand Taare Na Sahar Na Raat Hoti
Na Tera Jamaal Hota Na Ye Kayenaat Hoti.

Sher...
Wo Sarapa Rehmate Kibriya
Ke Har Ek Pe Jiska Karam Huwa
Ye Qurane Paak Hai Barmala
Hasunath Jamiu Khisalihi.

Ye Kamaale Haqqe Muhammadi
Ke Har Ek Pe Chashme Karam Rahi
Sare Hashr Naraye Ummati
Hasunath Jamiu Khisalihi.

Wohi Haq Nigar Wohi Haq Numa
Rukhe Mustafa Hai Wo Aayina
Ke Khudaye Paak Ne Khud Kaha
Sallu Alaihi Wa Aalihi.

Mera Deen Ambare Waarsi
Ba Khuda Hai Ishqe Muhammadi
Mera Zikro Fikr Hai Bas Yehi
Sallu Alaihi Wa Aalihi.
-----------------------

Aye Mazhare Noore Khuda
Balaghal Ula Be Kamalihi
Maula Ali Mushkil Kusha
Kashafad Duja Be Jamalihi
Hasnain Jaane Fatima
Hasunat Jamiu Khisalihi
Yaani Muhammad Mustafa
Sallu Alaihi Wa Aalihi.

Jab Mauj Pe Aayi Wo Leher
Khatre Ko Samandar Kardala
Ye Unki Shaane Karimi Hai
Jise Khaali Dekha Bhardala.

Jise Chaaha Dar Pe Bulaliya
Jise Chaha Apna Banaliya
Ye Bade Karam Ke Hain Faisle
Ye Bade Naseeb Ki Baat Hai.

Mai Buron Se Laakh Bura Sahi
Magar Unse Hai Mera Waasta
Meri Laaj Rakhna Mere Khuda
Ye Tere Habeeb Ki Baat Hai.

Karun Tere Naam Pe Jaan Fida
Na Bas Ek Jaan Do Jahan Fida
Do Jahan Se Bhi Nahi Jee Bhara
Karun Kya Karodon Jahan Nahi.

Tere Zikr Ki Hai Ye Barkatein
Mere Bigde Kaam Sawar Gaye
Jahan Teri Yaad Ho Dilnasheen
Wahin Rehmaton Ka Nuzool Hai.

Teri Deed Jisko Naseeb Hai
Wo Naseeb Qabil -E- Deed Hai
Tera Dekhna Meri Eid Hai
Tera Rukh Kalaam -E- Majeed Hai.

Ho Durood Tujhpe Bhi Aamina
Tere Chand Par Bhi Salaam Ho
Teri Godh Kitni Azeem Hai
Mila Tujhko Maahe Tamaam Hai.

Hai Ye Aarzu Jo Ho Surkhuru
Mile Do Jahan Ki Aabru
Mai Kahun Ghulam Hoon Aapka
Wo Kahen Ke Hamko Qubool Hai.

Meri Ilteja Hai Ye Doston
Kabhi Tum Jo Sooe Haram Chalo
To Banake Sar Ko Qadam Chalo
Ke Ye Raasta Koi Aur Hai.

Wahan Faaslon Ki Ziyadati
Se Inayathon Me Kami Nahi
Koi Door Rehke Owais Hai
Koi Paas Rehke Bilal Hai.

Ye Gumaan Tha Kayi Saal Se
Ye Yaqeen Hai Kayi Roz Se
Mere Dil Se Gumbade Sabz Ka
Ye Muaamla Koi Aur Hai.