Zameen Maili Nahi Hoti

Zameen Maili Nahi Hoti

Zameen Maili Nahi Hoti
Zaman Maila Nahi Hota
Muhammad Ke Ghulamon Ka
Kafan Maila Nahi Hota.

Muhabbat Kamli Waale Se
Wo Jazba Hai Suno Logon
Ye Jis Man Me Samajaye
Wo Man Maila Nahi Hota.

Gulon Ko Choom Lete Hain
Sahar Nam Shabnami Qatre
Nabi Ki Naat Sunlein To
Zehen Maila Nahi Hota.

Jo Naame Mustafa Choome
Nahi Dukhti Kabhi Aankhein
Pehenle Pyaar Jo Unka
Badan Maila Nahi Hota.

Nabi Ka Damane Rehmath
Pakadlo Aye Jahan Waalon
Rahe Jab Tak Ye Haathon Me
Chalan Maila Nahi Hota.

Mai Nazaan To Nahi Fan Par
Magar Nasir Ye Dawa Hai
Sana -E- Mustafa Karne
Se Fan Maila Nahi Hota.