Yaade Nabi Ka Gulshan Mehka Mehka

Kaunain Ka Masjood Hai Mabood Hai Tu
Har Shai Teri Shahid Hai Ke Mash'hood Hai Tu
Har Ek Ke Lab Par Hai Teri Hamdo Sana
Har Soz Me Har Saaz Me Maujood Hai Tu.

Allah Ki Ham Jalwagari Dekhrahe Hain
Ya Husn -O- Jamaale Madani Dekhrahe Hain
Jis Waqt Padho Salle Alaa Aale Muhammad
Samjho Ke Rasoole Arabi Dekhrahe Hain.

Har Nafas Ishqe Muhammad Ka Payaami Karlo
Zindagi Mitke Muhabbat Me Dawaami Karlo
Baadshaahi Hai Agar Dono Jahan Ki Darkaar
Doston Aao Muhammad Ki Ghulami Karlo.

Nabi Ki Yaad Hai Sarmaya Gham Ke Maaron Ka
Yehi To Ek Wasila Hai Besaharon Ka.

Yaade Nabi Ka Gulshan Mehka Mehka Lagta Hai
Mehfil Me Maujood Hain Aaqa Aisa Lagta Hai.

Mehfil Me Aaye Hain Wo
Kamli Waale Mehfil Me Aaye Hain

Sher...
Naame Muhammad Kitna Meetha Meetha Lagta Hai
Pyaare Nabi Ka Zikr Bhi Hamko Pyaara Lagta Hai.

Lab Par Naghme Salle Alaa Ke Haathon Me Kashkol
Dekho To Sarkar Ka Mangta Kaisa Lagta Hai.

Aankhon Me Mazaagh Ka Kajra, Sar Taha Ka Taaj
Kaise Kahun Kamli Waala Ham Jaisa Lagta Hai.

Ghouse Qutub Abdaal Qalandar Sab Unke Mohtaaj
Mera Daata Har Daata Ka Daata Lagta Hai.

Aou Adna Ki Sej Saji Hai Arshe Bareen Pe Aaj
Haq Ka Dulaara Baandh Ke Sehra Dulha Lagta Hai.

Aao Sunayein Apne Nabi Ko Apne Man Ki Baat
Inke Alaawa Kaun Niyazi Apna Lagta Hai.