Chaman Chaman Ki Dilkashi

Chaman Chaman Ki Dilkashi

Chaman Chaman Ki Dilkashi, Gulon Ki Hai Wo Taazgi
Hai Chand Jiss Se Shabnami, Wo Kehkashan Ki Raushni
Fazaon Ki Wo Raagni, Hawaon Ki Wo Naghmagi
Hai Kitna Pyaara Naam Bhi, Nabi Nabi Nabi Nabi.

Wo Aamade Bahaar Hai, Wo Noor Ke Qataar Hai
Faza Bhi Khush Gavaar Hai, Hawa Bhi Mashq Baar Hai
Hawa Se Maine Jab Kaha, Ye Kaun Aagaya Bata
Hawa Pukaarti Chali, Nabi Nabi Nabi Nabi.

Zameen Bane Zaman Bane, Makeen Bane Makan Bane
Chuni Bane Chunan Bane, Wo Wajh Hai Kun Fakaan Bane
Kaha Ye Maine Aye Khuda, Ye Kiske Sadqe Mai Bana
To Rab Ne Bhi Kaha Yehi, Nabi Nabi Nabi Nabi.

Wo Husn Inteqaab Hai, Wo Ishq Lajawaab Hai
Wo Rehmaton Ke Baab Hai, Wo Noor Ke Sahab Hai
Wo Jiss Taraf Nikal Gayi, Fiza Me Phool Khil Gayi
Kali Kali Pukaar Uthi, Nabi Nabi Nabi Nabi.

Jamiliyath Aapse, Tajalliyath Aapse
Taqayyilaath Aapse, Tasarrufaath Aapse
Bas ek Nigahe Mustafa, Ke Khibla Bhi Badalgaya
Qameeda Sar Hai Khusravi, Nabi Nabi Nabi Nabi.

Chale Jo Qatl Ko Umar, Kaha Kisi Ne Rok Kar
Kahan Chale Ho Aur Kidhar, Mizaaj Kyun Hai Arsh Par
Zara Behen Ki Lo Khabar, Fida Hai Wo Rasool Par
Wo Kehrahi Hai Har Ghadi, Nabi Nabi Nabi Nabi.

Umar Chale Behen Ke Ghar, Ye Dil Me Sonch Sonch Kar
Udhayenge Ham Unka Sar, Jo Hai Nabi Ke Deen Par
Suna Hai Jab Quran Ko, Khuda Ke Iss Payam Ko
Umar Ne Bhi Kaha Yehi, Nabi Nabi Nabi Nabi.

Raza Ka Ye Payaam Hai Wazifa Ye Tamaam Hai
Wohi To Nek Naam Hai, Nabi Ka Jo Ghulaam Hai
Jo Aashiqe Nabi Hua, Khuda Ka Wo Wali Hua
Wohi Hua Hai Jannati, Nabi Nabi Nabi Nabi.