Bana Noor Se Jism -E- Waala Kisi Ka

Kalaam of Khaleeq

Bana Noor Se Jism -E- Waala Kisi Ka
Zameen Par Na Girta Tha Saaya Kisi Ka.

Farishte Hilaate The Jhoola Kisi Ka
Qamar Jaanta Tha Ishaara Kisi Ka.

Mehekta Mu'attar Paseena Kisi Ka
Guzar Gar Kisi Simt Hota Kisi Ka.

Nazar Aagayi Saaf Shaane Ilaahi
Sarapa Ajab Ham Ne Dekha Kisi Ka.

Na Hoti Dua Unki Maqbool Hargiz
Na Laate Gar Aadam Waseela Kisi Ka.

Na Bhoole Se Bhi Naam Yousuf Ka Letin
Agar Dekhti Rukh Zulekha Kisi Ka.

Khaleel Unki Aamad Ki The Aarzu Me
Sunaate The Mushda Maseeha Kisi Ka.

Siwa Hukm Sunne Ke Chaara Na Hota
Zamana Agar Paate Moosa Kisi Ka.

Kabhi Lan Taraani Sunaana Kisi Ko
Kabhi Dekhne Ko Bulana Kisi Ka.

Yahan Aamad Aamad Hai Kis Gulbadan Ki
Nahi Dil Hai Phoolon Samaata Kisi Ka.

Har Ek Dil Me Dekho To Hai Yaad Unki
Har Ek Bazm Me Ab Hai Charcha Kisi Ka.

Zameen Ko Na Ho Faqr Kyun Aasman Par
Ke Hai Rashke Jannat Madina Kisi Ka.

Kabhi Uss Gule Husn Ki Boo Na Soonghi
Usi Gham Se Hai Jism Kaanta Kisi Ka.

Khaleeq Iss Liye Maut Ko Kehte Hain Wasl
Lahad Me Dikhaate Hain Chehra Kisi Ka.