Parda Rukhe Anwar Se Thoda Sa Hatadena

Kalaam of Pasha Miyan

Parda Rukhe Anwar Se Thoda Sa Hatadena
Qismath Hai Meri Soyi Sarkar Jagadena.

Miljaye Jo Qismath Se Mehshar Me Mujhe Bas Hai
Sarkar Ke Kambal Ka Ek Kona Udha Dena.

Utre Na Kabhi Masti Sarkar Ke yUlfath Ki
Uss Jaame Muhabbat Ke Do Ghoonth Piladena.

Nalaine Muqaddas Se Jisko Na Ho Kuch Nisbath
Uss Zeher Taqwe Ko Mitti Me Miladena.

Mohtaje Inayath Hai Ye Aapka Shaidaai
Aye Baade Saba Itna Aaqa Ko Sunadena.

Taarikiye Marqad Me Bechaini Mujhe Jab Ho
Tum Saamne Aajana Rukh Apna Dikhadena.

Sarkar Ke Qadmon Ki Gar Khaak Mayassar Ho
Aankhon Me Mere Arif Thodi Si Lagadena.

Sarkar Ke Qadmon Me Aarif Teri Marqad Ho
Ahbaab Se Khwahish Hai Bas Itni Dua Dena.