Rutba Kisi Ka Kya Mere Maula Ke Saamne

Kalaam of Hz Khwaja Mahbooballah (Khulq) R.a

Rutba Kisi Ka Kya Mere Maula Ke Saamne
Khatron Ka Kya Wajood Hai Dariya Ke Saamne.

Peshe Nazar Hai Qaamate Ranaaye Mustafa
Hai Bistara Faqeer Ka Tauba Ke Saamne.

Mauqoof Toor Par Nahi Aye Hazrate Kaleem
Har Jaa Wahi Hai Maho Tajallaa Ke Saamne.

Karlo Jo Kuch Sawaal Ho Aye Munkiro Nakeer
Tasweer Aapki Mujhe Dikhla Ke Saamne.

Jaayenge Hamne Behre Shafa'at Kisi Ke Paas
Adna Ye Baat Hai Mere Maula Ke Saamne.

Hojaun Surkhuru Mai Shaheedane Ishq Me
Gar Jaan Nikle Gumbade Khazra Ke Saamne.

Itni Hai Aarzu Meri Aye Khulq Roze Hashr
Daudoon Junoon Me Na Qaey Qaswa Ke Saamne.