Aastan Par Aapke Hai Jiska Sar Ya Mustafa

Aastan Par Aapke Hai Jiska Sar Ya Mustafa

Kalaam of Hz Zaki R.a

Aastan Par Aapke Hai Jiska Sar Ya Mustafa
Hogaya Uska Muqaddar Aouj Par Ya Mustafa.

Chor Kar Ham Aapko Jaayen Kidhar Ya Mustafa
Aap Bin Koi Nahin Hai Charagar Ya Mustafa.

Jab Pareshani Meri Had Siwa Hojayegi
Aapko Aate Banegi Mere Ghar Ya Mustafa.

Arsh Se Aayen Malak Meri Ziyarath Ke Liye
Gulshan -E- Taiba Me Ho Madfan Agar Ya Mustafa.

Jis Taraf Bhi Dekha Hoon Aap Hain Bas Aap Hain
Aur To Kuch Bhi Nahi Aata Nazar Ya Mustafa.

Hai Zaki Bhi Ek Adna Aapke Dar Ka Ghulam
Ispe Ho Lutfe Enayath Ki Nazar Ya Mustafa.