Allah Re Kya Bargahe Ghouse -E- Jali Hai

Kalaam of Peer Naseer Uddin Naseer

Ya Ghouse Ya Meeran Abdul Qadir Shahe Jeelani
Tumhi Ho Mehboobe Subhani Khutbe Rabbani.

Allah Re Kya Bargahe Ghouse -E- Jali Hai
Gardan Ko Jhukaye Hue Ek Ek Wali Hai.

Aulade Hasan Aale Hussain Ibne Ali Hai
Beshak Shahe Baghdad Wali Ibne Wali Hai.
Sab Unki Inayath Hai Khafi Hai Ke Jali Hai
Har Rasme Karam Unke Gharane Se Chali Hai.

Hai Noor Jo Baghdad Ki Galiyon Ka Ujaala
Har Ek Kiran Uski Madine Se Chali Hai.

Ek Silsila -E- Noor Hai Har Saans Ka Rishta
Imaan Mera Hubbe Nabi Mehre Ali Hai.
Mai Unka Hoon Taa Hashr Naseer Unka Rahunga
Sad Shukr Ke Unse Meri Nisbath Azali Hai.
-------------------

Hon Naqshe Qadam Jispe Nabi Aur Ali Ke
Uss Dar Pe Kisi Ki Na Chalegi Na Chali Hai.
Jis Dil Pe Nazar Unki Ho Wo Raushan -O- Beena
Unko Jo Pasand Aaye Wohi Baat Bhali Hai.

Uss Zaat Se Shaahi Ke Qareene Koi Seekhe
Wo Zaat Ke Jo Faqr Ke Saanche Me Dhali Hai.

Mujhko Bhi Muhabbat Hai Bohot Baade Saba Se
Kyun Kar Na Ho Aakhir Tere Koonche Se Chali Hai.

Mushkil Hui Aasan Liya Naam Jo Unka
Yoorish Gham -O- Aafat Ki Mere Sar Se Tali Hai.

Mehshar Me Wohi Ghaaza -O- Anwaar Banegi
Mitti Tere Koonche Ki Jo Chehre Pe Mali Hai.

Wo Zaat Gulistane Risalath Ki Kali Hai
Nau Rasta Gule Gulshane Zahra -O- Ali Hai.

Har Gaam Pe Sajde Ki Tamanna Hai Jabeen Ko
Ye Kiska Dare Naaz Hai Ye Kiski Gali Hai.