Aamaal Mere The Mujhe Be Maut Ke Maare

Kalaam of Hazrath Makki Miyan Rh (Hunar)

Aamaal Mere The Mujhe Be Maut Ke Maare
Aye Ghouse Pyaare
Jeeta Hoon Faqat Teri Inayath Ke Sahare
Aye Ghouse Pyaare.

Girdaabe Bala Se Meri Kashti Ko Bachale
Aye Ghouse Pyaare
Gar Tu Na Sambhale To Ise Kaun Sambhale
Aye Ghouse Pyaare.
Manzil Hai Kadi Chor Sare Raah Guzar Hai
Lut Jaane Ka Dar Hai
Samaan Ghareebon Ne Kiya Tere Hawale
Aye Ghouse Pyaare.

Taqat Meri Sab Tod Di Bimari -E- Dil Ne
Aata Nahi Chalne
Lillah Madad Kije Musibat Ke Hain Maare
Aye Ghouse Pyaare.

Sehra -E- Khudi Me Mujhe Wehshat Ke Darinde
Be Tarha Hain Ghere
Mai Bach Nahi Sakta Hoon Magar Tere Sahare
Aye Ghouse Pyaare.

Ek Rukh Jo Hai Shaitan To Hai Ek Taraf Nafs
Ham Hogaye Be Bas
Phans Jaaye Na Phande Me Ye Hain Bande Tumhare
Aye Ghouse Pyaare

Khajaate Hain Ab Gun Ki Tarha Mujhko Mere Dil
Dil Ke Mere Khatraat
Anjaan Ho Kyun Dekhke Halaat Hamare
Aye Ghouse Pyaare.

Kashti Hai Shikasta Meri Aur Baade Mukhalif
Kyun Kar Na Hoon Khaaiq
Dariya Se Gunahon Ke Mujhe Karde Kinaare
Aye Ghouse Pyaare.

Uss Khwaja Ka Banda Hoon Jo Naaib Hai Tumhara
Siddiq Pyaara
Mushkil Me Hunar Tere Siwa Kisko Pukare
Aye Ghouse Pyaare.