Nazar Me Jazb Unki Surate Purnoor Hojaye

Kalaam of Layeeq

Nazar Me Jazb Unki Surate Purnoor Hojaye
To Har Ek Simt Raushan Ek Charaghe Toor Hojaye

Salaam Uss Noore Chashme Mustafa Ki Roohe At'har Par
Ke Jis Ke Naam Se Ab Bhi Andhera Door Hojaye.

Dare Shah Se Faqat Ek Rabt -E- Mohkam Ki Zarurath Hai
Abhi Dalqe Gadayi Kiswat -E- Faghfoor Hojaye.

Hussain Uss Manzile Tafweez Me Bhi Kitne Aage Hain
Jahan Ba Iqtiyaar Insaan Bhi Majboor Hojaye.

Layeeq Aisi Jagah Kuch Sonch Ne Ki Baat Hi Kya Hai
Ke Jis Jaa Marde Haq Ek Kaam Par Mamoor Hojaye.