Allah Ne Kaisa Shahe Zeeshan Banaya

Meri Chashme Alam Namnaak Karde
Mujhe Aalaishon Se Paak Karde
Mujhe Kuch Bhi Nahi Darkaar Ya Rab
Ghulame Sayyade Laulaak Karde.

Mai Rukh Dayaare Haram Se Badal Nahi Sakta
Khayaal Dil Se Nabi Ka Nikal Nahi Sakta
Dare Huzoor Se Hargiz Mai Tal Nahi Sakta
Faqeer Ghair Ke Tukdon Pe Pal Nahi Sakta.

Jise Ishqe Nabi Haasil Nahi Hai
Munawwar Uss Bashar Ka Dil Nahi Hai
Na Ho Jisme Shahe Bat'ha Ki Izzath
Qasam Allah Ki Wo Dil Nahi Hai.

Allah Labon Pe Zikr Jo Khairul Anaam Ka
Ghaugha Hua Buland Durood -O- Salaam Ka
Mujhpar Nisaar Hone Lagi Mastiyan Tamaam
Mai Zikr Karraha Tha Muhammad Ke Naam Ka.

Suroor Rehta Hai Kaife Dawaam Rehta Hai
Labon Pe Mere Muhammad Ka Naam rehta Hai
Bari Hain Naare Jahannam Se Wo Khuda Ki Qasam
Wo Jinko Zikre Muhammad Se Kaam Rehta Hai.

Be Misl Hai Kya Shaukat -E- Ranaayi Hai
Khaliq Bhi Fida Khalq Bhi Shaidaayi Hai
Khaliq Ne Muhabbat Me Niraale Rukh Se
Sarkar Ke Chehre Ki Qasam Khaayi Hai.

Allah Ne Kaisa Shahe Zeeshan Banaya
Sarkar Ko Kaunain Ka Sultan Banaya.

Girah...
Surath Ko Unki Dekh Ke Kuch Mu Se Na Nikla
Nikla To Bas Ye Nikla
Allah Ne Kaisa...

Udhar Rukh Se Ahmad Ne Parda Uthaaya
Idhar Shaayaron Ne Qalam Tod Daale.

Be Parda Hua Jab Rukhe Tabaane Muhammad
Khursheed Ne Mu Dhaamp Liya Sharm Ke Maare.

Aisa Tujhe Khaliq Ne Tarahdaar Banaya
Yousuf Ko Tera Taalibe Deedar Banaya.

Kaunain Banaye Gaye Sarkar Ki Khaatir
Kaunain Ki Khaatir Unhe Sarkar Banaya.

Haseenan Jameelan Da Mu Mord Ditta
Muhammad Banake Qalam Tod Ditta

Sher...
Ishqe Shahe Batha Ko Dilo Jaan Banaya
Baqshish Ke Liye Hamne Ye Samaan Banaya.

Girah...
Ishqe Nabi Hi Meri Pehchaan Hogaya
Baqshish Ka Meri Dekhiye Samaan Hogaya.

Sher...
Yoon Ishq Kiya Rab Ne Hai Mehboob Se Apne
Tareef Me Sarkar Ki Quran Banaya.

Aye Rehmate Aalam Mai Teri Den Ke Sadqe
Mangton Ko Tere Faiz Ne Sultan Banaya.

Allah Bhi Karta Hai Sada Jiski Tilawath
Chehre Ko Muhammad Ke Wo Quran Banaya.