Bazme Tasawwuraath Saji Thi Abhi Abhi

Bazme Tasawwuraath Saji Thi Abhi Abhi

Bazme Tasawwuraath Saji Thi Abhi Abhi
Nazron Me Mustafa Ki Gali Thi Abhi Abhi.

Unka Karam Hua To Muqaddar Badalgaya
Unke Karam Ki Baat Chali Thi Abhi Abhi.

Sultane Do Jahan The Nigahon Ke Saamne
Ek Chot Si Jigar Pe Lagi Thi Abhi Abhi.

Soya Tha Mai Sukoon Se Kisne Jagadiya
Yaade Nabi Me Aankh Lagi Thi Abhi Abhi.

Mehsoos Horaha Tha Wo Maujood Hain Yahan
Khushbu Hawa Se Unki Mili Thi Abhi Abhi.

Maloom Karrahe The Farishton Se Jibraeel
Kiski Zubaan Pe Naate Nabi Thi Abhi Abhi.

Shabbir Chashme Tar Ki Haqiqath Na Puchiye
Maahe Arab Se Aankh Mili Thi Abhi Abhi.