Dame Iztiraab Mujhko Jo Khayaale Yaar Aaye

Dame Iztiraab Mujhko Jo Khayaale Yaar Aaye

Dame Iztiraab Mujhko Jo Khayaale Yaar Aaye
Mere Dil Me Chain Aaye To Use Qaraar Aaye.

Teri Wehshaton Se Aye Dil Mujhe Kyun Na Aar Aaye
Tu Unhi Se Door Bhaage Jinhein Tujh Pe Pyaar Aaye.

Mere Dil Ko Darde Ulfath Wo Sukoon De Ilahi
Meri Beqarariyon Ko Na Kabhi Qaraar Aaye

Na Habeeb Se Muhib Ka Kahin Aisa Pyaar Dekha
Wo Bane Khuda Ka Pyaara Tumhe Jiss Pe Pyaar Aaye.

Mujhe Kya Alam Ho Gham Ka Mujhe Kya Ho Gham Alam Ka
Ke Ilaaj Gham Alam Ka Mere Gham Gusa'ar Aaye.

Jo Chaman Banaye Ban Ko Jo Jina'a Kare Chaman Ko
Mere Baagh Me Ilahi Kabhi Wo Bahaar Aaye.

Sababe Gufoore Rehmat Meri Bezubaniyan Hain
Na Fugaan Ke Dhang Janoon, Na Mujhe Pukaar Aaye.

Teri Rehmaton Se Kam Hai Mera Jurm Iss Se Zaa'id
Na Mujhe Hisaab Aaye Na Mujhe Shumaar Aaye.

Tere Sadqe Jaaun Shaha, Ye Tera Zaleel Mangta
Wo Waqaar Leke Jaaye Jo Zaleelo Khwaar Aaye.

Wo Kareem Hai Ye Sarwar Ke Likha Hua Hai Dar Par
Ke Jise Lene Hon Do Aalam Wo Umeed Waar Aaye.

Tere Dar Ke Hain Bhikari Mile Khair Dam Ha Dam Ki
Tera Naam Sun Ke Daata Ham Umeed Waar Aaye.

Hasan Unka Naam Le Kar, Tu Pukaar Dekh Gham Me
Ke Ye Wo Nahi Jo Ghafil Pase Intezaar Aaye.