Khayaale Mustafa Hai Aur Mai Hoon

Khayaale Mustafa Hai Aur Mai Hoon

Khayaale Mustafa Hai Aur Mai Hoon
Badi Rangeen Faza Hai Aur Mai Hoon.

Muradein Milrahi Hain Har Qadam Par
Ataaye Mustafa Hai Aur Mai Hoon.

Bina Maange Mujhe Sab Milraha Hai
Karam Sarkar Ka Hai Aur Mai Hoon.

Wajhe Takhleeqe Aalam Mustafa Hain
Ye Sab Kuch Aapka Hai Aur Mai Hoon.

Jidhar Hota Hai Hojaye Zamana
Idhar Salle Alaa Hai Aur Mai Hoon.

Mere Haathon Me Hai Daman Nabi Ka
Yehi Ek Aasra Hai Aur Mai Hoon.

Ba Chashme Nam Hua Haazir Ye Soofi
Dare Khairul Wara Hai Aur Mai Hoon.