Noor Aawar Noor Paikar Naat Hai

Kalaam of Asad Sanayi Sahab

Noor Aawar Noor Paikar Naat Hai
Booe Taiba Se Muattar Naat Hai.

Masjide Nabavi Ka Mimbar Naat Hai
Naat Ka Inaam Chadar Naat Hai.

Ayesha Bibi Ka Zewar Naat Hai
Fatima Zahra Ki Chadar Naat Hai.

Unka Chalna Unka Sona Jaagna
Unka Takiya Unka Bistar Naat Hai.

Choom kar Unke Pasine Ka Khayaal
Ood Sandal Mushk Ambar Naat Hai.

Shaghle Rab Hai Aur Shaghle Abd Bhi
Shayri me Sab se Badhkar Naat Hai.

Dast Basta Hoke Kehti Hai Ghazal
Mai Hoon Ek Qatra Samandar Naat Hai.

Jisne Jahil Ko Sara Sima Kiya
Band Mutthi Ka Wo Kankar Naat Hai.

Unki Ungli Ke Isharon Ka Aseer
Chand Suraj Ka Wo Mehvar Naat Hai.

Jibraili Hauslon Ki Inteha
Naqshe Paa Par Bosae Tar Naat Hai.

Noore Ahmed Noore Haq Ke Roobaru
La Makani Ka Wo Manzar Naat Hai.

Dushmanon Ki Andhi Aankhon Se Pare
Ghaar Makdi Aur Kabootar Naat Hai.

Bhook Ki Shiddat Padhe Jispar Durood
Pet Par Aaqa Ke Patthar Naat Hai.

Unke Lam Se Paak Se Paakar Hayaat
Hazrate Jaabir Ka Dastar Naat Hai.

Jispe Unka Mojza Hai Meherbaan
Pyaas Ka Maana Wo Lashkar Naat Hai.

Dekh Kar Mehshar Me Unki Azmatein
Yoon Laga Maidane Mehshar Naat Hai.

Naat Hai Usmano Haidar Ka Wujood
Sarba Sar Siddique Akbar Naat Hai.

Kat Ke Sar Gustaq Ka Khud Ke Utha
Teghe Farooqi Sara Sar Naat Hai.

Karbala Me Aaj Bhi Hai Jiski Goonj
Chadgaya Neze Pe Jo Sar Naat Hai.

Kyun Na Ho Sarkar Ka Sajda Taweel
Qubate Shabbir -O- Shabbar Naat Hai.

Yaad Se Unki Munawwar Hai Sada
Ye Asad Ka Deedae Tar Naat Hai.