Ya Nabi Noor Ho Tum

Kalaam of Fana Buland Shehri Sahab

Tazeem Se Leta Hai Khuda Naame Muhammad
Kya Naam Hai Ye Salle Alaa Naame Muhammad
Allah Kare Uspe Haraam Aatishe Dozakh
Jis Shakhs Ke Ho Dil Pe Likha Naame Muhammad.

Khuda Ka Noor Tujhme Hubahu Hai
Khuda Pinha Magar Tu Rubaru Hai
Teri Azmath Ka Andaza Ho Kisko
Khuda Hai Aur Khuda Ke Baad Tu Hai.

Ya Nabi Noor Ho Tum
Jalwaye Yazdaan Ki Qasam

Girah...
Lab Noor Jabeen Noor
Dahan Noor Nazar Noor
Gesu Ki Chamak Noor
Amaame Ki Damak Noor
Hai Khaak Ka Ghar Khaak
Magar Noor Ka Ghar Noor.

Sar Se Paa Tak Noor Tera Sab Gharana Noor Ka
Teri Nasle Paak Me Hai Baccha Baccha Noor Ka.

Ya Nabi Noor Ho Tum
Jalwaye Yazdaan Ki Qasam
Jaise Tum Ho Nahi Aisa
Koi Imaan Ki Qasam.

Girah...
Mere Aaqa Koi Nahi Aisa Jaise Tum Ho

Rasool Aur Bhi Aaye Jahan Me Lekin
Koi Nahi Aisa...

Tujhpe Qurban Isaa Moosa Hazrate Yaqoob Bhi
Hazrate Ilyas Bhi Dawood Bhi Yaqoob Bhi.

Phire Zamane Me Chaar Janib
Nigahe Yakta Tumhi Ko Dekha
Haseen Dekhe Jameel Dekhe
Par Ek Tumsa Tumhi Ko Dekha

Tumhara Saani Risalath Ma'ab Ho Na Saka
Tumhara Koi Kahin Bhi Jawaab Ho Na Saka.
Rasool Aur Bhi Aaye Jahan Me Lekin
Koi Bhi Saahibe Ummul Kitaab Ho Na Saka.

Aam Hain Rehmatein Zamane Par
Rehmaton Ka Koi Hisaab Nahi
Tere Qurban Ya Rasoolallah
Tera Kaunain Me Jawaab Nahi.

Aisa Tujhe Khaliq Ne Tarahdaar Banaya
Yousuf Ko Tera Taalibe Deedar Banaya
Kaunain Banaye Gaye Sarkar Ki Khaatir
aunain Ki Khaatir Unhe Sarkar Banaya.

Mai Kya Bataun Ke Tum Kya Ho Ya Habeeballah
Haseen Jameel Maleeh Wajeeh Zillallah
Jo Badr Chehra Tha Wallail Hai Ye Zulfe Siyaah
Khatat Kalaame Kaleemo Rukhat Kalaamullah
Che Qad Che Rukh Che Jabeen Laa Ilaaha Illallah.

Sher...
Martaba Haq Se Kisi Aur Ko Aisa Na Mila
Taaje Khusro Ki Qasam Takht -E- Sulaiman Ki Qasam.

Do Aalam Me Nahi Koi Bhi Tum Jaisa Haseen
Maahe Tabaan Ki Qasam Mehre Darakhshan Ki Qasam.

Girah...
Haseen Chehra Haseen Kamli Haseen Dosh
Qade Raanaan Koi Dekhe Kise Hosh
Bas Itna Kehke Hojate Hain Khamosh.

Shahe Yasrabi Tere Husn Ki
Kise Taab Jo Kare Hamsari
Na Gulon Me Aisi Shaguftagi
Na Ye Rango Bu Na Ye Taazgi
Ye Anoki Chab Ye Nayi Phaban
Ye Aadayein Pyaari Ye Saadgi
Teri Misl Koi Hua Na Ho
Tere Sadqe Jaaun Mai Ya Nabi.

Sher...
Jisne Dekha Mere Sarkar Ko Deewana Hua
Husne Yousuf Ki Qasam Jalwaye Janaan Ki Qasam.

Ya Muhammad Teri Surath Hai Khuda Ki Surath
Deen -O- Imaan Ki Qasam Aayate Quran Ki Qasam.

Log Bante Hain Wali Unki Ghulami Se Fanaa
Ghouse -E- Aazam Ki Qasam Hind Ke Sultan Ki Qasam.