Mera Gada Mera Mangta Mera Ghulaam

Mera Gada Mera Mangta Mera Ghulaam

Mera Gada Mera Mangta Mera Ghulaam Aaye
Khuda Kare Kabhi Taiba Se Ye Payaam Aaye.

Durood Sayyade Kaunain Ke Waseele Se
Meri Zubaan Pe Aaqa Tera Hi Naam Aaye.

Mai Iss Yaqeen Se Aaya Hoon Unke Rauze Se
Wo Phir Kaheinge Ke Wapas Mera Ghulaam Aaye.

Mai Dekhta Hi Rahun Bas Tumhare Rauze Ko
Janabe Zahra Ke Sadqe Me Aisi Shaam Aaye.

Ghulame Zahra Hoon Mai To Ali Ka Naukar Hoon
Hamesha Panjtani Nisbath Hi Mere Kaam Aaye.

Hasan Hussain Ka Deta Hoon Waasta Unko
Faqeere Aale Muhammad Me Mera Naam Aaye.