Mai To Aashiq Hoon Nabi Ka

Mai To Aashiq Hoon Nabi Ka

Mai To Aashiq Hoon Nabi Ka
Mai To Aashiq Hoon Nabi Ka. (x8)

Zikre Sarwar Me Mujhe Khoya Hua Rehne Do
Isme Duniya Jo Khafa Hai To Khafa Rehne Do
Ya Muhammad Ka Wazifa Hai Labon Par Dam
Dil Ko Bas Yaade Muhammad Me Fana Rehne Do.

Dil Ne Nabi Ki Yaad Me Dera Jamaliya
Saare Ghamon Se Aapke Gham Ne Bachaliya
Qurban Jaaun Ya Nabi Tere Maqaam Par
Tu Ne To Pattharon Ko Bhi Kalima Padhadiha
Veeraniyan Na Aayegi Aankhon Me Ab Kabhi
Khaake Dare Rasool Ka Surma Lagaliya
Seene Me Hai Bahar Sa Mela Laga Hua
Jab Se Tumhare Dard Ko Mehman Banaliya.

Dardo Aalam Ke Maare Hue Kya Dete Hain
Ham To Bas Unki Nigahon Ko Dua Dete Hain
Banda Banna Hai Khuda Ka To Gada Ban Unka
Jo Faqeeron Ko Shahinshah Bana Dete Hain
Aql Waalon Ke Naseebon Me Kahan Zauqe Junoon
Ishq Waale Hain Jo Har Cheez Luta Dete Hain.

Ghulam Hain Ghulam Hain Rasool Ke Ghulam Hai
Ghulamiye Rasool Me Maut Bhi Qubool Hai
Jo Ho Na Ishqe Mustafa To Zindagi Fuzool Hai
Mere To Aap Hi Sab Kuch Hai Rehmate Aalam
Mai Jeeraha Hoon Zamane Me Aap Hi Ke Liye.

Ghulamiye Rasool Me Sar Ko Jhuka Ke Dekh
Nadaan Unke Dar Pe Tu Sar Ko Jhuka Ke Dekh
Aati Hai Kaise Josh Me Rehmath Huzoor Ki
Tu Daastane Gham Zara Unko Suna Ke Dekh
Qadmon Me Tere Honge Khazane Jahan Ke
Ek Baar Unke Naam Pe Sab Kuch Luta Ke Dekh.

Har Waqt Tasawwur Me Madine Ki Gali Hai
Ab Darbadari Hai Na Ghareebul Watani Hai
Wo Shamme Haram Jisse Munawwar Hai Madina
Kaabe Ki Qasam Raunaqe Kaaba Bhi Wohi Hai
Iss Shehr Me Bik Jaate Hain Khud Aake Kharidar
Ye Misr Ka Bazaar Nahi Shehre Nabi Hai.