Mere Dil Me Ishqe Huzoor Hai

Madine Waale Ka Jo Bhi Ghulam Hojaye
Qasam Khuda Ki Wo Aali Maqam Hojaye
Nabi Ke Ishq Ka Jis Dil Me Daagh Raushan Ho
To Uspe Aatishe Dozakh Haraam Hojaye.

Mere Dil Me Ishqe Huzoor Hai
Mai Jahan Me Sab Se Ameer Hoon

Girah...
Tujh Me Hooro Qusoor Rehte Hain
Ye Bhi Maana Zaroor Rehte Hain
Mere Dil Ka Tawaaf Kar Jannat
Mere Dil Me Huzoor Rehte Hain.

Dil Me Ishqe Shahe Kaunain Ki Daulat Hai Padi
Hoon To Nadaan Mai Lekin Meri Kheemat Hai Badi.

Lahad Me Ishqe Muhammad Ka Daagh Rakhta Hoon
Andheri Qabr Me Raushan Charaagh Rakhta Hoon.

Mere Dil Me Ishqe Huzoor Hai
Mai Jahan Me Sab Se Ameer Hoon
Mujhe Taajdaari Se Kya Gharaz
Mai Dare Nabi Ka Faqeer Hoon.

Girah...
Mujhe Haq Ne Baqshi Hai Bartari
Meri Thokaron Me Sikandari
Ye Jahan Nigah Me Kyun Jache
Mai Gada Hoon Apne Huzoor Ka.

Gadaye Shaahe Arab Hoon Faqeere Raah Nahi
Faqeer Wo Hoon Ke Nazron Me Badshaah Nahi.

Khaaliq Ne Mujhko Meri Talab Se Siwa Diya
Sarmaya Daare Ishqe Muhammad Bana Diya.

Sher...
Mai Ghulame Panjtane Paak Hoon
Mai Dare Batool Ki Khaak Hoon
Mai Hasan Hussain Ka Hoon Gada
Mai Sage Janabe Ameer Hoon.

Mujhe Mehr -O- Maah Se Ho Kaam Kya
Tere Naqshe Paa Pe Mai Hoon Fida
Mujhe Kya Rihaayi Se Waasta
Teri Zulf Ka Mai Aseer Hoon.

Kabhi Mere Zulmath Kade Me Aa
Ise Apne Noor Se Jagmagaa
Mai Azal Ke Roz Se Muntazir
Tera Aye Siraaje Muneer Hoon.

Girah...
Suna Hai Aap Har Aashiq Ke Ghar Tashreef Laate Hain
Mere Ghar Me Bhi Hojaye Charaghan Ya Rasoolallah.

Sher...
Ye Ataa Hai Ishqe Huzoor Ki
Mujhe Jisne Aisi Hayaath Di
Jo Na Bujh Sake Wo Charagh Hoon
Jo Na Mitsake Wo Lakeer Hoon.

Jise Kahiye Joodo Karam Ki Jaa
Wo Hai Dar Jahan Me Huzoor Ka
Usi Dar Se Mujhko Khuda Mila
Usi Aastan Ka Faqeer Hoon.

Mai Hoon Sajid -E- Dare Mustafa
Ye Mere Huzoor Ki Hai Ataa
Kahan Unka Dar Kahan Mera Sar
Mai To Ek Ghulame Haqeer Hoon.

Girah...
Tamanna Muqtasar Si Hai
Magar Tamheed Tu Laani

Kahan Unka Baaghe Jannat
Kahan Meri Roosiyahi